31 persunas moran tar incendi en ospital en l'Arabia Saudita

D'in incendi en in ospital a Dschasan en il sid da l'Arabia Saudita èn almain 31 persunas mortas. Passa 100 sajan vegnidas blessadas, ha communitgà la protecziun civila.

Pumpiers davant il «Jazan General Hospital» a Dschasan en l'Arabia Saudita.

Legenda da maletgs: Pumpiers davant il «Jazan General Hospital» a Dschasan en l'Arabia Saudita. Keystone

Il fieu è rut ora la notg sin la staziun intensiva ed ha er cuntanschì la partiziun da naschientschas. Da l’entira regiun èn vegnids pumpiers e squadras da salvament. Lasuenter è l’ospital vegnì evacuà.

Pertge ch'i ha piglià fieu na san ins anc betg. Las autoritads èn londervi da sclerir la raschun dal brischament.

La citad Dschasan sa chatta al sidvest da l’Arabia Saudita, betg lunsch davent dal Jemen. Pir la fin d’avust avevi dà in incendi en in cumplex d’abitar en l’ost dal pajais. Lura avevan 10 persunas pers lur vita, 259 eran vegnidas blessadas. La raschun era stà in cirquit curt.

RR novitads 08:00