Siglir tar il cuntegn
Inhalt

Exteriur 3 novs cas d'ebola en Liberia

En la Liberia hai dà 3 infecziuns novas cun il virus d’ebola. En il stadi da l'Africa dal Vest sajan identifitgadas 153 persunas ch'hajan gì contact cun las persunas infectadas. Questas persunas vegnian tuttas observadas, han ditg ils medis responsabels, per evitar che la malsogna sa derasia.

In gidanter medicinal mesira la fevra d'ina dunna ch'ha gì contact cun in mat infectà cun ebola.
Legenda: In gidanter medicinal mesira la fevra d'ina dunna ch'ha gì contact cun in mat infectà cun ebola. Keystone

Tar l'ultima epidemia d’ebola en la Liberia eran passa 4'800 persunas mortas fin l'avust passà. Il settember aveva l'organisaziun mundiala per sanadad WHO declerà la Liberai sco libra d’ebola.

L’emprim nov pazient è tenor indicaziuns in mat da 15 onns oriund da l’aglomeraziun en l’ost da la chapitala Monrovia. Sin quai èn dus auters commembers da la famiglia vegnids testads positiv e purtads en l’ospital.

L’ebola è fitg contagiusa e savens mortala. En l’Africa dal Vest avevi era dà blers cas da l’epidemia a Guinea e Sierra Leone. Actualmain na datti là dentant nagins novs cas.

RR novitads 18:00