Siglir tar il cuntegn

Header

cuntegn

Exteriur 3,7 milliuns uffants na pon betg ir a scola

Pli che la mesadad dals var 6 milliuns uffants ch'èn sin la fugia sin l'entir mund n'han nagina pussaivladad da visitar ina scola. Questa sort tutgia 3,7 milliuns mattatschas e mattatschs en numerus pajais, Uschia statti en in rapport da l'ovra d'agid per ils fugitivs UNHCR.

L'autcumissari da l'ONU per fugitivs, Filippo Grandi, discurra d'ina crisa per milliuns d'uffants. La scolaziun per fugitivs vegnia neglegida malamain, malgrà che quella pudess porscher ina da las paucas schanzas per in meglier avegnir. Sulet 50% dals uffants frequentan ina scola fundamentala. En la media globala èn quaii 90%. E sulet 1% possia far in studi (envers 34% globalmain).

Spezialmain precara saja la situaziun en ils pajais pli povers. Dals 4,8 milliuns fugitivs da la Siria en ils pajais vischins, èn 35% en la vegliadetgna da scola. En la Tirchia possian sulet 39% dals uffants sirians sin la fugia frequentar ina scola. En il Libanon èn quai 40% ed en la Jordania almain 70%. En total dettia il mument per 900'000 uffants sirians nagina scola.

Il rapport vegn publitgà en connex cun l'inscunter davart fugitivs da l'ONU che ha lieu a New York.

RR novitads 09:00

Artitgels legids il pli savens