Siglir tar il cuntegn
cuntegn

Exteriur 276 morts pervi d'attentat dubel a Mogadischu

Suenter ils attentats cun bumba a Mogadischu en Somalia è il dumber d’unfrendas s’augmentà sin 276. Plinavant sajan almain 300 ulteriuras persunas vegnidas blessadas, per part grevamain. Quai han communitgà las autoritads.

Purtret da la cruschada, in auto che brischa e persunas che curran davent.
Legenda: En ina cruschada bain frequentada è explodida ina da las duas bumbas a Mogadischu. Reuters

En il center da la chapitala Mogadischu èn explodidas duas bumbas la sonda. Ina en in camiun sin ina cruschada bain frequentada. L'autra curt suenter en in auter quartier.

Tenor las autoritads sa tracti da las pli grevas attatgas dapi la revolta da la milissa terroristica Al-Schabaab d’avant diesch onns. Fin uss n’ha nagin surpiglià la responsabladad per l’attatga.

RR novitads 15:00