26 morts da grevas malauras en Vietnam

En il nord dal pajais sajan gia numerusas vias e punts vegnidas destruidas da la plievgia massiva.

Purtret da persunas en l'aua.

Legenda da maletgs: En il Vietnam ha la populaziun da cumbatter cunter grevas malauras. Keystone

Pervi da grevas inundaziuns en il Vietnam èn gia 26 persunas mortas. En il nord dal pajais da l'Asia dal Sidost èn gia numerusas vias e punts vegnidas destruidas da la plievgia massiva che cuzza dapi gievgia. Quai han communitgà las autoritads.

Blers champs da ris sajan inundads. Ils donns materials vegnan schazegiads da la protecziun per cas da catastrofas, sin radund 41 milliuns francs. I vegn temì ch'il dumber d'unfrendas pudess anc crescher. Almain 15 persunas èn anc sparidas.

Plinavant vegn spetgà ch'i plovia anc dapli ils proxims dis. En il pajais cun ina populaziun da 95 milliuns è il mument temp da plievgia.

RR novitads 09:00