Siglir tar il cuntegn
cuntegn

Exteriur 25 onns praschun per cuntrabandists da persunas

4 cuntrabandists da persunas èn vegnids sentenziads en l'Ungaria a 25 onns praschun pervia da mazzament. La stad dal 2015 avevan els transportà migrants da la Siria, l'Irac e l'Afghanistan en in camiun-frestgera e tschentà giu quel sin in'autostrada en l'Austria. Tuttas 71 persunas èn mortas.

in camiun a l'ur da l'autostrada
Legenda: En quest camiun èn vegnids per la vita ils 71 fugitivs. Keystone

Ils trais Bulgarais ed in um da l'Afghanistan èn responsabels per la morta dals 59 umens, 8 dunnas e 4 uffants en il camiun. Quai ha decidì la dretgira en la citad ungaraisa Kecskemet. Ulteriurs commembers da la banda da cuntrabandists èn vegnids sentenziads.

Cunter la decisiun po anc vegnir fatg recurs.

RR novitads 16:00