Siglir tar il cuntegn
Inhalt

Exteriur 2016 – il pli chaud onn mesirà

Tenor perscrutaders dal clima da l'USA è quai stà il pli chaud onn dapi l'entschatta da las mesiraziuns avant 137 onns.

Um che tira vid sia cravatta perquai ch'el ha chaud.
Legenda: L'onn 2016 è stà il pli chaud onn dapi l'entschatta da las mesiraziuns avant 137 onns. Colourbox

Las temperaturas da l'aua, il livel da la mar e la concentraziun da gas da serra en l'atmosfera han rut il record ch'era vegnì mess si be l'onn avant. Quai ha communitgà l'autoritad per ozeanografia ed aura NOAA dals Stadis Unids la gievgia.

Er ulteriurs indicaturs da la midada dal clima sajan il 2016 stads en il trend da la stgaudada globala. Quels ed er ch'il fenomen d'aura, El Niño che stgauda il Pacific, è vegnì pli marcant han chaschunà il record.

En ils rapports da clima da l'autoritad vegnan resumadas las datas da mintga mais. Vid il 27avel rapport han lavurà 450 perscrutaders da 60 differents pajais.

RR novitads 09:00