Siglir tar il cuntegn
cuntegn

Exteriur 200 persunas èn najadas avant la costa da la Libia

Ils umans eran en fugia cun duas bartgas da gumma, ch'han fat naufragi perquai ch'ellas eran surchargiadas.

Bartga da salvament avant l'insla da Lampedusa.
Legenda: Cunzunt avant la costa da l’insla Lampedusa èn bleras bartgas cun fugitivs sfundradas. Keystone

Pliras organisaziuns d’agid rapportan da bleras baras che sajan vegnidas a la riva. Tranter quellas era uffants pitschens. Tenor las Naziuns Unidas èn quest onn mortas dapli che 1'150 persunas tar l’emprova da traversar la Mar Mediterrana. Las bartgas, cun las qualas ch'ils umans provan da fugir, èn per gronda part surchargiadas.

181’000 persunas èn arrivadas cun bartga en l’Europa

L’onn passà èn bun 181’000 persunas arrivadas sur la Mar Mediterrana da l’Africa dal Nord en l’Italia. I vegn quintà che anc dapli persunas emprovan enfin la fin da l’onn 2017 da traversar la Mar Mediterrana en ina bartga che anc l'onn avant. Organisaziuns d'agid fan quint cun radund 30% dapli traversadas privlusas.

RR actualitad 18:00