Siglir tar il cuntegn
Inhalt

Exteriur 200 fugitivs najan sin lur viadi en l’Europa

Avant la costa da la Libia ha ina bartga da fugitivs danovamain fatg naufragi. Qua tras èn fin 200 persunas najadas. Radund 200 ulteriuras sajan vegnidas liberadas da la guardia da la costa libiana, communitgeschan las autoritads da segirezza da la citad Suwara.

Ina da la numerusas navs plainas da fugitivs sin lur viadi en l’Europa.
Legenda: Ina da la numerusas navs plainas da fugitivs sin lur viadi en l’Europa. Keystone

Il lieu datiers dal cunfin cun la Tunesia è in center da cuntrabandists che transportan fugitivs sur la Mar Mediterrana en l'Italia. Tenor las Naziuns Unidas èn quest onn gia najadas passa 2’300 persunas tar l'emprova da cuntanscher l'Europa via bartga.

RR novitads 07:00