La regenza tirca fa responsabel il predicatur Fethullah Gülen per l'emprova da putsch malgartegiada dal fanadur passà. Tenor acta d'accusaziun vegn rinfatschà a Gülen d'avair empruvà da destruir cun forza il dretg legal, sco er d'avair fundà e manà ina gruppaziun terroristica.
Ad Istanbul ha la polizia plinavant fatg razzias cunter 44 interpresas. Quai rapporta l'agentura da novitads uffiziala Anadolu. Las firmas vegnan suspectadas d'avair contact cun Gülen che viva en ils Stadis unids.
RR novitads 17:00