Siglir tar il cuntegn
Inhalt

Exteriur 2 morts tar collisiun da trens en USA

In tren da passagiers è collidà cun in da vitgira en il stadi federativ da South Carolina, uschia las autoritads.

Purtret dal tren da vitgira e forzas da segirezza a la lavur.
Legenda: Dad ina collisiun da dus trens en ils Stadis Unids èn dus passagiers morts. Keystone

Tenor indicaziuns da las autoritads e da las forzas d'agid sajan duas persunas mortas da la collisiun. Dapli che 70 blessads sajan vegnids transportads en l'ospital, ha communitgà il scherif dal district Lexington sin Twitter.

Il tren cun il numer 91 da la societad Amtrak è stà da viadi sur notg da New York a Miami en il stadi federativ Florida. Là saja quel lura collidà cun in tren da vitgira, uschia l'emettur da televisiun NBC, sa referind sin Amtrak.

En il tren sajan stads 139 passagiers ed 8 collavuraturs. Intgins vaguns sajan siglids or da las rodaglias, ha scrit il scherif. Davart la raschun per la disgrazia n'è anc nagut enconuschent.

RR novitads 16:00