Siglir tar il cuntegn

Exteriur 17 morts tar sajettim en High School

En il stadi federativ da Florida ha in giuven sajettà enturn en ina scola e mazzà 17 persunas. La polizia ha arrestà el.

  • En ina scola a Parkland (Florida) ha in um sajettà enturn. La polizia ha pudì arrestà el.
  • 17 persunas èn vegnidas mazzadas. Quai han communitgà las autoritads. Tranter las unfrendas sajan scolars e creschids.
  • Almain 14 persunas èn vegnidas blessadas, per part grevamain.

Il delinquent supponì da 19 onns saja tschiffà ed arrestà. Quai ha communitgà il biro dal scherif. I sa tractia d'in anteriur scolar da la scola. L'um giuven saja vegni sclaus da la scola per motivs disciplinarics. Las autoritads hajan cumenzà d'analisar sias paginas d'internet e ses posts en las raits socialas. I dettia intgins posts fitg, fitg inquietants.

Tenor rapports da medias ha la polizia tschertgà durant pliras uras l'attentader. L'incap en la scola da Florida è quest'onn gia il sisavel delict cun armas en ils Stadis Unids. Pir avant trais emnas èn dus scolars morts tar ina sajettada a Kentucky.

Il delinquent supponì da 19 onns saja tschiffà ed arrestà. Quai ha communitgà il biro dal scherif. I sa tractia d'in anteriur scolar da la scola. L'um giuven saja vegni sclaus da la scola per motivs disciplinarics. Las autoritads hajan cumenzà d'analisar sias paginas d'internet e ses posts en las raits socialas. I dettia intgins posts fitg, fitg inquietants. Tenor rapports da medias ha la polizia tschertgà durant pliras uras l'attentader. L'incap en la scola da Florida è quest'onn gia il sisavel delict cun armas en ils Stadis Unids. Pir avant trais emnas èn dus scolars morts tar ina sajettada a Kentucky.

RR novitads 23:00+