Per evitar ina catastrofa al lai da fermada dad Oroville han las autoritads cumenzà a laschar giu aua dal lai tras il scul principal. Il chanal donnegià dal mir è l'emna passada vegnì en funcziun l'emprima giada dapi 48 onns. Il chanal avess duì distgargiar il chanal principal che mussa medemamain donns.
Il mir da fermada è radund 235m aut e 2'300m lung. El tigna enavos il lai dad Oroville e serva per producir electricitad.
Parts da la California han ils ultims dis patì da plievgia fitg ferma. Abitants han stuì bandunar lur chasas suenter ch'il flum San Lorenzo era passà sur ils urs ora. Las auas grondas èn stadas surprendentas per il stadi che patescha gia dapi onns da sitgiras.
RR novitads 11:00