Siglir tar il cuntegn
Inhalt

Exteriur 15 chapellinas blauas e 5 schuldads dal Congo èn vegnids mazzads

En il Congo è in post da las Naziuns Unidas vegnì attatgà :15 chapellinas blauas èn vegnidas mazzadas ed almain 53 persunas da la missiun da pasch da L'ONU èn vegnidas mazzadas – probablamain da rebels da l'Uganda.

Duas chapellinas blauas.
Legenda: La missiun da pasch en il Congo è actualmain la pli gronda. Keystone

Tenor l'ONU saja l'attatga succedida a Nord-Kivu en il territori da cunfin tar l'Uganda. Responsabels sajan probablamain rebels da las «Allied Democratic Forces» (ADF). Era tschintg schuldads dal Congo e 27 attatgaders han pers la vita en ils cumbats.

Il secretari general da las Naziuns Unidas Antonio Guterres ha il venderdi discurrì da la mendra attatga sin l'organisaziun mundiala en ils davos onns. Guterres ha giuditgà l'attatga sco crim da guerra ed ha pretendì che las autoritads dal Congo tschiffian ils attatgaders spertamain e da surdettian els a la giustia.

RR novitads 10:00

Missiun Monusco

La missiun da las Naziuns Unidas en il Congo «Monusco» è vegnida lantschada il 2010 ed è per il mument la pi gronda missiun da pasch mundiala. Las chapellinas blauas duain proteger civilists, stabilisar il pajais ed sustegnair in process da passagi en il Congo.