Siglir tar il cuntegn
Inhalt

Exteriur 13 milliuns uffants na pon betg ir a scola

13 milliuns uffants na pon betg ir a scola pervi da conflicts en l'Africa dal Nord ed il Proxim Orient. Quai scriva l'UNICEF, l'Ovra d'agid per uffants da las Naziuns Unidas.

Uffants en ina scola improvisada en ina tenda.
Legenda: Mo la mesadad dals uffants sirians ch'èn fugids en il Libanon, la Jordania, l'Irac e la Tirchia pon ir a scola. Keystone

La raschun principala che tants uffants na pon betg ir a scola sajan attatgas sin scolas. Savens vegnian scolas duvradas sco alloschi per famiglias stgatschadas ni per cumbattants, scriva l’UNICEF.

Nus essan curt avant da perder in'entira generaziun d'uffants en il Proxim Orient ed en l'Africa dal Nord.
Autur: Peter SalamaDirectur regiunal UNICEF

Privel da daventar lavurants bunmartgads ed uffants schuldads

En consequenza da la mancanza da furmaziun giajan blers uffants a lavurar per pudair nutrir lur famiglias. Uschia sajan els en ils mauns dal privel d’explotaziun sco forzas da lavur bunmartgadas e da vegnir recrutads sco uffants schuldads.

RR novitads 06:00