Siglir tar il cuntegn

Header

cuntegn

Exteriur 1 da 100 pops ha in donn d'alcohol

Quai ha consequenzas gravantas per il svilup da l'uffant. Oz, il di da l'uffant donnegià d'alcohol, renda «Dependenza Svizra» attent a quest problem. L'organisaziun sa drizza era al conturn da dunnas en speranza e da mammas che tezza. La societad stoppia sustegnair da renunziar a l'alcohol.

Stgars 19% pertschient da las dunnas en Svizra tranter 15 e 45 onns baivan almain ina giada il mais memia bler alcohol. Quai tenor il monitoring da dependenza. Tranter las dunnas en speranza e las mammas che tezzan è la cumpart tar 5 - 6%.

Per la Svizra n'existan naginas cifras davart ils pops donnegiads entras alcohol. En I'Europa vegn stimà ch'i dat sin 1'000 novnaschids fin 2 uffants che han il sindrom d'alcohol fetal, quest sindrom po chaschunar retards da creschament, defurmaziuns, cunzunt al chau sco era disfuncziuns dal sistem central da la gnerva.

Uffant baiva era

Cunquai che l'alcohol arriva tras la placenta directamain en il sang da l'uffant, baiva il pop era. Per la scienza n'è betg cler davent tge quantitad alcohol ch'il donn a l'uffant cumenza. Tuttina cusseglia «Dependenda Svizra» ad abstinenza. Suenter in glas vin duai la mamma spetgar almain duas uras fin ch'ella tezza puspè ses uffant.

RR novitads 07:00

Artitgels legids il pli savens