Sco quai che la marina taliana infurmescha, hajan 3 d’en tut 5 bastiments tramess in signal d’urgenza avant la costa da la Libia. Las persunas sajan vegnidas transportadas sin l’insla Lampedusa e per part sin la Sicilia. Danunder ch’ils fugitivs derivan è anc intschert.
Ils 2 prims mais da l’onn è il dumber dal fugitivs s’augmentà per 43% en cumparegliaziun cun il medem temp da l'onn passé. Lura avevan radund 170’000 persunas empruvà da cuntanscher l’Europa sur la mar mediterrana. Passa 3'000 persunas èn mortas tar l'emprova da traversar la mar.