1,4 milliuns uffants pateschan dal terror da Boko Haram

En l'Africa èn passa 1,4 milliuns uffants sin la fugia da la gruppa da terror Boko Haram. Quai communitgescha l'ovra d'agid per uffants Unicef.

Ina mumma cun ses uffants ch'era vegnida liberada da la Boko Haram il matg 2015.

Legenda da maletgs: Ina mumma cun ses uffants ch'era vegnida liberada da la Boko Haram il matg 2015. Reuters

Ils ultims 5 mais sajan almain in mez milliun uffants vegnids stgatschads da lur patria. Il pli ferm pertutgada saja la Nigeria. La gruppa d'islamists sunnits radicals Boko Haram vul eriger en il nord-ost da la Nigeria ed en las regiuns cunfinantas in uschenumnà stadi da Dieu.

Dapi il 2009 èn almain 14'000 persunas mortas durant attatgas da la gruppa.

RR novitads 10:00