Siglir tar il cuntegn
Inhalt

Exteriur 1'000 persunas evacuadas en l'Italia

Pervi d'inundaziuns han ins stuì evacuar in lieu en la regiun Emilia-Romagna.

En la regiun taliana Emilia-Romagna, ha in lieu stuì vegnir evacuà. 1'000 persunas han stuì bandunar la vischnanca da Lentigione. Motiv è ch'in rempar dal flum Enza è rut e la vischnanca è per gronda part inundada. Quai rapporta l'agentura da novitads taliana Ansa. La protecziun civila ha proclamà per oz il pli aut stgalim d'avertiment per tschertas parts da la regiun pertutgada.

Ils ultims dis han naiv e plievgia da glatsch chaschunà in caos da traffic, en spezial en il nord dal pajais. En la Toscana han plievgia intensiva e ferms vents fatg donns.

RR novitads 06:00