Siglir tar il cuntegn

Header

video
Emprimas lavurs da siglientar il tunnel Alpetta
Or da Telesguard dals 01.09.2021.
laschar ir. Durada: 3 minutas 19 Secundas.
cuntegn

Emprima siglientada Lavurs vi dal tunnel tranter Vinadi e Samignun cumenzan

Oz cumenzan las lavurs dal tunnel da radund 630 meters tranter Vinadi e Samignun. En funcziun duai il tunnel vegnir la stad dal 2024.

Il tunnel Val Alpetta è suenter ils tunnels Val Spelunca e Val Pischöt il terz che vegn realisà en rama dal project da da schlargiament da la via da Samignun. Las ultimas duas etappas èn quellas dals ulteriurs dus tunnels Val Cotschna e Val Mundin.

audio
L'emprima siglientada per il tunnel Alpetta tranter Samignun e Vinadi
ord Actualitad dals 01.09.2021.
laschar ir. Durada: 3 minutas 41 Secundas.

Lavurs han cumenzà cun grond culp

Mesemna han las lavurs cumenzà cun ina siglientada. Cun quella vegnan las lavurs principalas vid il tunnel cumenzadas.

Datas dal tunnel

Avrir la box Serrar la box
  • 630 meters lung
  • 5,8 meters lad
  • 4,5 meters aut
  • 28,6 milliuns franc (per il tunnel inclusiv ulteriuras lavurs d'engrondiment)

Project cumplex

purtret dal tunnel e da la gallaria.
Legenda: Survista da la gallaria existenta e dal tunnel che vegn bajegià. MAD, Uffizi da construcziun bassa

En l'entira zona dal project è la via fitg stretga e na correspunda betg pli a las pretensiuns dad oz. Plinavant è la via exponida a numerus privels da natira. L'enviern sto la via adina puspè vegnir serrada durant plirs dis pervi da lavinas. Grazia al tunnel vegn la situaziun meglra. Cun ina ladezza da 5,8 meters ed in'autezza da 4,5 meters è il tunnel en avegnir charrabel sin dus vials. Quai optimescha ch'il traffic cula meglier. Total vegn lavurà sin in traject da 970 meters lunghezza.

Artitgels legids il pli savens