Siglir tar il cuntegn
Inhalt

Walter Schlegel (PPS) Politica: «I dovra bunas cundiziuns economicas»

Walter Schlegel (PPS) vul rinforzar las regiuns e porscher a Grischunas e Grischuns bunas cundiziuns da viver e da lavurar en il chantun.

Purtret Walter Schlegel
Legenda: Walter Schlegel il candidat per la regenza da la PPS. MAD

Bunas cundiziuns per fatschentas en il Grischun, quai saja indispensabel per carmalar fatschentas e start-ups en la regiun, uschia Walter Schlegel, ch'è actualmain cumandant da la Polizia chantunala. El propona en quest connex da dar credits da partenza per interpresas giuvnas. Tiers tutgia er in bun lieu da scolaziun cun divers studis. Er las plazzas da lavur less el segirar e pussibilitar bunas colliaziuns da traffic public.

Per quai vul Walter Schlegel s'engaschar

  • bunas cundiziuns economicas per il Grischun
  • bunas cundiziuns da viver e lavur per persunas en la periferia
  • ina buna rait d'internet spert per l'entir chantun

Experientscha sin nivel communal

Walter Schlegel è stà otg onns en suprastanza da la vischnanca da Trimmis. Dals candidats per la regenza è el il sulet che n'ha nagina experientscha en il Cussegl grond. Plinavant è el stà enfin tar sia elecziun sco cumandant en la direcziun da la PPS Grischuna – tranter auter sco vicepresident.

RR actualitad 12:00