Siglir tar il cuntegn
Inhalt

Peter Peyer (PS) Politica: «I dovra dapli dunnas»

El saja adina gia s'engaschà per temas che na sajan betg tipicamain socialdemocratics, pretenda Peter Peyer (PS). E quai duai restar uschia.

Legende: Audio Saira: In di cun Peter Peyer – sin il viv abspielen. Laufzeit 07:06 Minuten.
07:06 min, Actualitad dals 08.05.2018.

Sco deputà dal Cussegl grond è Peter Peyer s'engaschà per dapli dunnas en posiziuns là nua ch'ins prenda decisiuns. El ha er gia pretendì quotas da dunnas en quest connex. Plinavant less Peyer carmalar dapli glieud en il chantun Grischun. El savess s'imaginar da porscher maun cun encurrir plazzas u ina canorta d'uffants.

Per quai vul Peter Peyer s'engaschar

  • dapli dunnas en posiziuns da cader
  • protecziun dal clima
  • carmalar novs abitants en il chantun Grischun
  • in bun service public en las regiuns

Veglia vulp en il Cussegl grond

Gia dapi 15 onns politisescha l'um da 52 onns en il Cussegl grond. Là ha el tranter auter collavurà en la cumissiun da finanzas e taxas per la gulivaziun da finanzas.

En cas ch'el vegnia elegì en la regenza grischuna ils 10 da zercladur, avess il deputà perquai er gust da surpigliar il departament d'economia publica u quel da finanzas. L'ultim decenni haja la PS er pudì sa profilar en temas che na sajan betg tipicamain socialdemocratics, uschia Peyer.

RR actualitad 07:00+