Siglir tar il cuntegn

Regenza La PBD stat davos Andreas Felix

La partida burgais-democratica sustegna vinavant Andreas Felix sco ses candidat per la regenza grischuna, quai malgrà il squitsch pervia da l'affera da cartels tar la branscha da construcziun en l'Engiadina.

Legende: Video La PBD stat vinavant davos ses candidats abspielen. Laufzeit 3:07 Minuten.
Or da Telesguard dals 26.04.2018.

Felix saja adina stà loial envers la partida, uschia il manader dal cumbat electoral Gian Michael. L'istorgia na saja betg nova. Per la partida na midia perquai nagut. Da retrair la candidatura da Felix, na saja mai stà tema, uschia Michael envers RTR.

Quella campagna è fitg curiusa. Ins savess er sajettà envers tut autras persunas, ch'han fatg bler mendras chaussas.
Autur: Gian Michaelmanader dal cumbat electoral da la PBD

La partida sa dumondia ussa pertge ch'i vegnia ussa sajettà envers ses dus candidats – er sin Jon Domenic Parolini, ch'è involvì en l'affera en sia funcziun sco anteriur president communal da Scuol. Michael discurra dad ina campagna, che dettia da ponderar.

RR novitads 15:00