Siglir tar il cuntegn

Elecziuns 2018 Ina brev cun diversas dumondas

Mintga Grischun survegn ina brev cun flyers da las partidas. Quella bitta dentant si diversas dumondas. Pertge èn ils flyers da trais partidas mo per tudestg? Pertge è Andreas Felix anc adina sin il flyer? E nua è Linard Bardill?

Ils flyers da la PBD, PCD e da la PPS èn mo per tudestg. Sin la dumonda pertge, argumenteschan els uschè:

  • Kevin Brunold, maina-campagna dals candidats da regenza PCD: «Cun dus candidats n'avain nus betg avunda plazza per translaziuns. Vinavant èsi enconuschent che noss candidats discurran las trais linguas.»
  • Reto Rauch, mainafatschenta PPS: «Il cuntegn ha dapli impurtanza che l'etichetta. Vinavant na saja betg stà pussaivel da trametter en las differentas regiuns differents flyers.»
  • Gian Michael, maina-campagna PBD: «Nus avain fatg in sbagl. Nus avevan probabel memia pauc temp e n'avain simplamain betg pensà londervi.»

Tut las partidas din dentant, ch'els hajan flyers en mintga lingua. Tar las atgnas campagnas hajan els per mintga regiun la lingua adattada. Era las paginas d'internet sajan trilinguas.

Felix e Bardill?

Tenor Gian Michael saja simplamain stà memia tard per midar ora ils flyers. Gia mez mars sajan lur ils flyers stads pront en las bustas ed Andreas Felix ha tratg enavos sia candidatura pir la fin d'avrigl.

Linard Bardill ha annunzià sia candidatura pir ils 8 da matg. Pia memia tard d'integrar el. Bardill cumenza uss a far reclama per sia persuna. Cunquai ch'el n'ha nagin grond budget, tschertga el voluntaris. Quels duessan reparter ses flyers en las regiuns. Ses flyers datti era en tut las trais linguas.

Actualitad 12:00