Siglir tar il cuntegn
cuntegn

Elecziuns 2018 Destruì placats da campagna da Walter Schlegel

A Domat han vandals destruì placats e blatgas da reclama da la Partida populara svizra PPS per il candidat da la regenza Walter Schlegel.

Placat destruì.
Legenda: Blatga da reclama per il candidat da regenza Walter Schlegel ch'è vegnida destruida. mad

Para han a Domat vandals laschà ora lur agressiun. Els han destruì blatgas da reclama da la Partida populara svizra PPS per il candidat da la regenza Walter Schlegel. È quai l'agressiun encunter la politica da la Partida populara svizra? U è quai forsa in «fan» da Walter Schlegel? Forsa vul insatgi avair, sco Rachel Van der Elst scriva via tweet, il placat da «Georg Clooney da la Val dal Rain» en sia stiva? En quest cas pudess ella/el segir s'annunziar tar la PPS per survegnir in placat ...

vandals han destruì placats da Walter Schlegel

Tenor ina communicaziun da la PPS saja quai malonest da manar en questa moda e maniera in cumbat electoral. En mintga cas sajan talas acziuns donn da material e cunquai era fatg penal. Quai impedescha para dentant betg da destruir placats e blatgas da campagna da la PPS.