Siglir tar il cuntegn

Cussegl grond Ils populars grischuns vulan crescher

Avant quatter onns è la PPS stada la gronda victura da las elecziuns cirquitalas. Ella ha dapli che dublegià ses sezs e cuntanschì fermezza da fracziun. Gudagnar ulteriurs sezs en il parlament e surtut era prender plaz cun in dals lur en la regenza è la finamira.

Legende: Video Il Kikeri6 cun Urs Domenig da Sent da la PPS abspielen. Laufzeit 03:35 Minuten.
Or da Telesguard dals 23.05.2018.

Suenter ils success da la PPS dals ultims onns, tant els chantuns sco è tar las elecziuns naziunalas duai finalmain cun Walter Schlegel in dals lur daventar cusseglier guvernativ. Quai la gronda finamira proclamada, ch'è questa giada pli impurtanta ch'ils mandats ch'ins vegn a conquistar en il Cussegl grond. Che la PPS vul però crescher vinavant, mussa il dumber da candidatAs ch'ella ha nominà. 24 tramettan ils populars en il cumbat en ils divers cirquits. En proporziun cun ils 9 sezs che la PPS ha da defender èn quai uschè blers sco nagina autra partida.

Il politolog Clau Dermont vesa sco realistic che la PPS vegn da gudagnar vitiers fin 2 sezs. Quai pudess gartegiar en il cirquit da Cuira nua che la PPS ha da preschent 1 mandat ed ha nominà en tut 4 candidats. La pli prominenta candidata per il Cussegl grond è Valérie Favre-Accola. La commembra dalla executiva da la vischnanca da Tavau duai conquistar per la PPS in mandat el cirquit da Tavau.

PPS en il Cussegl grond

Personen-Box aufklappenPersonen-Box zuklappen

2010: 4 sezs

2014: 9 sezs

2018: Nominà 24 (6 veders/18 novs)

RR actualitad 08.00