Siglir tar il cuntegn

Cussegl grond Ils liberaldemocrats vulan restar ils ferms

Il 2010 è la PLD daventada la ferma partida en il Grischun. 4 onns pli tard ha ella pers ils blers sezs da tuttas. Tuttina è ella restada la gronda. Cunquai ch'ils liberaldemocrats giaudan ina renaschientscha sin plaun naziunal po era la PLD grischuna far speranzas.

Legende: Video Kikeri6 – cun Gian-Peder Niggli da la PLD abspielen. Laufzeit 03:49 Minuten.
Or da Telesguard dals 30.05.2018.

Avant 8 onns è la PLD daventada la pli ferma partida en il Grischun. Gudagnà vitiers 5 mandats e stuschà giu dal tron ils cristiandemocrats. Suenter quest success, survalità l'atgna fermezza e 4 onns pli tard survegnì la quittanza. La PLD pers 4 sezs, uschè blers sco nagin'autra partida en il Grischun. Cun ses 34 sezs però tuttina vegnida da restar la gronda fracziun en il Cussegl grond.

Tenor il politolog Clau Dermont han ils liberaldemocrats quest onn tut ils avantatgs da lur vart da na perder tants mandats sco avant 4 onns. La PLD ha blers deputads da fin uss che stattan a disposiziun e vulan vegnir reelegids. Vitiers possia la partida era profitar ch'i va in pau pe zop a las partidas burgais-democratica e cristiandemocratica. Ed era la renaschientscha da la partida sin plaun naziunal ed ils gudogns da sezs en quasi mintga chantun, sajan in bun omen era per ils liberaldemocrats grischuns. Ils cirquits nua che la PLD sto temair da perder è Engiadin'Ota e Surses. Omadus cirquits han da nov da bun in sez damain en il Cussegl grond.

PLD en il Cussegl grond

Personen-Box aufklappenPersonen-Box zuklappen

2010: 38 sezs

2014: 34 sezs

2018: Nominà 44 (26 veders/18 novs)

RR actualitad 08.00