Siglir tar il cuntegn

Elecziuns 2015 Politbox sin viadi a Düdingen «Era musica è politica»

Tge è la cultura da giuventetgna? E dovra la Svizra ina giuventetgna che protestescha? Davart quai ha discutà la politbox la sonda, ils 30 da matg direct da la Bad Bonn Kilbi a Düdingen. Quà pos ti guardar l’entira emissiun.

Il moderatur en ina discussiun cun giuvens politics, a sanester in um da camera che filmescha la scena
Legenda: Adrian Camartin da RTR ha manà la discussiun cun Nathatlie Schürch ed André Perler da Jugend und Politik Sense. SRF

In viadi en il mund da la musica Indie: Sin ses viadi tras la Svizra ha il bus da la politbox fatg fermada a la Bad Bonn Kilbi a Düdingen. Il motto: Musica è era politica!

Gruppas da musica han adina giugà ina part impurtanta tar moviments da la giuventetgna. Ils protests dals onns 80 na fissan per exempel betg stads pussaivels senza la musica da punk. Mo quant politic è la giuventetgna e lur musica ozendi? La politbox è ida a la tschertga.

Ti pos sa participar a la discussiun era suenter l’emissiun. Fa quai via Twitter (#politbox) ni via nossa pagina da Facebook (www.facebook.com/politbox, il link avra en ina nova fanestra).