Siglir tar il cuntegn
cuntegn

politbox Maridar: Chasti ubain recumpensa?

En la maioritad dals chantuns datti in avantatg cun maridar envers il concubinat. Ubain ditg auter: I dat damain chantuns cun l'uschènumnà «chasti da maridaglia». I dependa però da plirs facturs.

mauns d'in um che mettan la vera al det d'ina dunna
Legenda: Il dumber dals chantuns cun chastì federal tschessa. Reuters

Relevantas per la calculaziun èn la summa totala da las entradas communablas e la repartiziun da las entradas. En general valan ils trends naziunalas era per il Grischun.

  • Pli gronda l'asimmetria - pli grond l'avantatg per maridads:
    Per il Grischun per exempel pon pèrs maridads profitar plirs millis francs tar ina repartiziun da la lavur da 90% / 10% cumpareglià cun bun 100 francs tar repartiziun egalitara (50% / 50%).
  • Pli auta la summa salariala - pli pitschen l'avantatg per maridads:
    Tar entradas da 120'000 francs ad onn ed ina repartiziun egalitara, èsi en 19 da 26 chantuns pli avantagius d'esser maridà. Il dumber tschessa tar pajas pli autas e l'avantatg dals maridads svanescha era en il Grischun tar entradas da radund 180'000 francs.

Il calculader sa basa sin las cifras dal 2014 d'in studi da l'Administraziun federala da taglias e resguarda pèrs senza uffants.

E Vus? Chasti u recumpensa?