Siglir tar il cuntegn

Elecziuns dal Cussegl federal Norman Gobbi (TI)

norman gobbi
Legenda: Norman Gobbi (TI). mad

La Svizra taliana n'è betg pli stada represchentada en il Cussegl federal dapi il 1999. Uschia fiss Norman Gobbi, ch'è il sulet candidat tessinais, il proxim cusseglier federal da la Svizra taliana suenter Flavio Cotti (PCD).

Per las elecziuns dal Cussegl federal ha Norman Gobbi midà partida: Davent da la Lega tar la Partida populara Svizra (PPS). La stad passada è el era vegnì en las lingias grassas cun pretender ch'il Tessin serria si ses cunfins, cura ch'il dumber dals fugitivs è creschì.

Gobbi di sez ch'el saja in «vehichel politic cun tracziun a 4 rodas». Cun 38 onns vala el gia ussa sco persuna pussonta en la regenza tessinaisa. En la regenza tessinaisa è el dapi il 2011 (dumondas da segirtad).

Il manaschi parlamentar a Berna conuscha Gobbi anc da ses temp sco Cusseglier naziunal (01.03.2010-14.04.2011); lura anc per la Lega dei Ticinesi.