Guy Parmelin (VD)

Guy Parmelin

Legenda da maletgs: Guy Parmelin (VD). mad

Per la Svizra franzosa candidescha il Cusseglier naziunal Guy Parmelin. Per in sez en la regenza federala era Parmelin però gia s'interessà avant 4 onns. Lura era la Partida populara Svizra (PPS) però sa decidida da nomiar ses collega friburgais Jean-François Rime.

En ses 12 onns en il Cussegl naziunal ha Parmelin enfirmì sias posiziuns politicas e vala ussa sco represchentant da l'uschènumnada «lingia da Blocher» aifer la PPS. Uschia sa mussa el era detschart e resolut da defender il program da la PPS aifer il Cussegl federal. Tuttina ha el puntuà da vulair respectar il principi da la collegialitad.

Ses temas èn surtut il provediment per seniors, las politicas d'energia, da migraziun e da segirtad; però era las relaziuns internaziunalas. Dals departament preferiss Parmelin quel da l'intern ch'è actualmain en ils mauns dal cusseglier federal socialdemocrat Alain Berset.