Siglir tar il cuntegn

Elecziuns dal Cussegl federal Aeschi, Parmelin u Gobbi?

3 candidats ha la Partida populara Svizra nominà per l’elecziun dal cussegl federal: Thomas Aeschi (ZG / 36 onns), Guy Parmelin (VD / 56 onns) e Norman Gobbi (TI / 38 onns).

È Thomas Aeschi il vair represchentant da la PPS; u è el memia giuven? Dapli experientscha politica ha il pur da vin Guy Parmelin. Ma dovri in terz cusseglier federal da la Romandie? Norman Gobbi pudess daventar l’emprim cusseglier federal dal Tessin dapi l’onn 1999. Ma n’è el betg atgnamain da la Lega?

Aeschi, Parmelin u Gobbi? U datti ina surpraisa ed insatgi auter vegn elegì sco successur dad Eveline Widmer-Schlumpf?

L’elecziun dal cussegl federal ils 9 da december 2015:

  • Il Radio Rumantsch rapporta live da la «Wandelhalle» a Berna, a partir da las 08.00
  • Il Telesguard accumpogna l’anteriur favurit Heinz Brand, las 17.40 uras sin SRF1
  • Actual, cura che vus vulais, sin www.rtr.ch