Siglir tar il cuntegn

Elecziuns 2015

Tgi s’engascha per tgenins temas politics? Nua stattan candidatas e candidats e las partidas en il schema politic?

S’infurmai sur da singuls candidats e lur profils politics: cun la tschertga da Smartvote. En la banca da datas da Smartvote e da RTR chattais Vus ils purtrets da las candidatas, dals candidats e da las partidas.

Las posiziuns dals candidats che han emplenì ora il questiunari da Smartvote vegnan visualisads en il Smartspider (ina grafica sco ina taila-filien).

Vus pudais nizzegiar la banca da datas senza registraziun. Sche Vus essas dentant registrads, pudais Vus cumparegliar Voss agen profil politic cun quels dals candidats.

Curta instrucziun:

Elegiai sco emprim in dals cussegls (per exempel cussegl naziunal). Vus avais la pussaivladad d’eleger sut «circul electoral» in chantun. Sche Vus lessas tschertgar en l’entira Svizra, laschais davent il champ «circul electoral».

Tar las elecziuns dal cussegl naziunal pudais Vus tschertgar candidatas e candidats u glistas (partidas).

Remartga tar ils candidats: tenor las indicaziuns da las partidas èn ils candidats nudads. I po dentant anc dar midadas sin glistas en tscherts chantuns. En quest cas vegn la banca da datas actualisada.