Ils cussegliers dals chantuns dal Grischun en uffizi

Il 2011 ha il suveran grischun elegì Stefan Engler (PCD) e Martin Schmid (PLD) en il Cussegl dals chantuns. I ha dà nagins cuntracandidats.

Grafica cun il resultat dal Cussegl dals chantuns dal 2011, alu era vegnids elegids Stefan Engler (PCD) cun 37’454 vuschs e Martin Schmid (PLD) cun 31’224 vuschs.

Legenda da maletgs: Il 2011 èn vegnids elegids Stefan Engler (PCD) e Martin Schmid (PLD) en il Cussegl dals chantuns. RTR

Laschar ir video «Video vom 23.10.2011»

Telesguard spezial dals 23.10.2011

46 min, Telesguard dals 23.10.2011

Senza tensiun, ma cun in resultat istoric. Uschia è l’elecziun en il Cussegl dals chantuns sa splegada en il Grischun. Ils dus sulets candidats uffizials, Stefan Engler (PCD) e Martin Schmid (PLD) èn vegnids elegids cun in dumber da vuschs sco mai pli dapi il 1998.

Engler ha cuntanschì 37’454 vuschs, Schmid 31’224 vuschs. Il pli absolut è stà tar 19’748 vuschs. 40,03% da las votantas e dals votants grischuns èn stads a l’urna.

Il 1998 aveva Christoffel Brändli (PPS) cuntanschì bun 29'400 vuschs.

Engler e Schmid remplazzan Christoffel Brändli (PPS) e Theo Maissen (PCD). Quai vul dir, che la PPS perda ses sez en la chombra pitschna.

Il directur da finanzas dal Grischun, Martin Schmid, terminescha uschia per ils liberaldemocrats ina perioda da passa 75 onns senza esser stà represchentà en il Cussegl dals chantuns. Il davos cusseglier dals chantuns da la PLD è stà Andreas Laely da Tavau (1913 – 1935).

Sco successur da Martin Schmid en la regenza ha il suveran grischun elegì il schaner dal 2012 Christian Rathgeb.