Siglir tar il cuntegn
Inhalt

Cumbat electoral Verds grischuns na vulan betg

Ils Verds grischuns na candideschan betg per in sez en il Cussegl naziunal quest atun.

Logo VERDA Grünes Graubünden e fotografia dad Anita Mazzetta.
Legenda: Tenor Anita Mazzetta na fai nagin senn da candidar per sia partida, La Verda. RTR

Sco quai che la suprastanta da la Verda, Anita Mazzetta, ha ditg sin dumonda dad RTR, na fetschia quai betg pli senn per la pitschna partida grischuna, da candidar per las elecziuns naziunalas dals 18 d’october.

Sin nivel chantunal e communal vegnia ella e ses collegas da partida dentant a restar vinavant activs.

Tar las ultimas elecziuns avant quatter onns aveva La Verda anc candidà per in sez en il Cussegl naziunal cun Hans-Jörg Hahn, Rolf Marugg, Anita Mazzetta ed Angelo Andina.

(RR novitads las 6:00)