Siglir tar il cuntegn
cuntegn

Cumbat electoral PBD vul gudagnar 3 mandats en il Cussegl naziunal

La Partida burgais-democrata PBD vul tegnair ubain augmentar sia quota d'electurs da 5,4% e gudagnar almain 3 novs mandats en il Cussegl naziunal.

Purtret dal president da la PBD Martin Landolt.
Legenda: Era vul la PCD tenor il president Landolt augmentar la quota d'electurs. Keystone

Questas finamiras ha il president da la PBD, Martin Landolt, formulà a chaschun da la radunanza da delegads a Winterthur.

En il cumbat electoral vul la PBD dar paisa a 3 temas: il salvament da la via bilaterala, la midada sin il sectur da l'energia cun desister da l’energia atomara e dapli power da dunnas en l'economia.

Na a l’iniziativa da la PCD

Per las votaziuns dals 8 da mars ha la PBD decidì in na a l'iniziativa da la PCD che vul deliberar da la taglia ils supplements d'uffants. Quest'iniziativa na saja betg necessaria perquai che Confederaziun, chantun e vischnancas hajan gia ina politica da famiglias fitg sociala, ha argumentà la Cussegliera guvernativa grischuna Barbara Janom Steiner.