Il Grischun ha scursanì il temp d'annunzia

Il termin final per s'annunziar per las elecziuns dal Cussegl naziunal dals 18 d'october è da nov ils 3 d'avust 2015.

Fegls sgulants cun si ils candidats per il Cussegl naziunal.

Legenda da maletgs: Per candidar per il Cussegl naziunal sto il chantun survegnir la candidatura il pli tard ils 03.08.2015. Keystone

Quai èn 76 dis avant il di d'elecziun. Quai communitgescha la regenza. L'ultima giada era il termin be 48 dis avant il termin d'elecziun.

La pussaivladad da rectifitgar las glistas e da declerar colliaziuns da glistas finescha ils 10 d'avust 2015. Quai èn 69 dis avant il di d'elecziun. Enfin qua eran quai 41 dis avant.

L'ordinaziun da la regenza davart las elecziuns dal cussegl naziunal vegn adattada correspundentamain.

(RR novitads a las 10:00)