Darbellay vesa grond potenzial per la PCD

Per il president da la Partida cristiandemocratica PCD, Christophe Darbellay, ha sia partida in grond potenzial per las elecziuns naziunalas da l'onn che vegn.

Purtret da Christophe Darbellay.

Legenda da maletgs: Tenor il president da la PCD ha la partida schanzas da gudagnar sezs l'auter onn. Keystone

La PCD saja l'emprima adressa per famiglias, ha Darbellay ditg en ses pled d'avertura da la radunanza da delegads a Berna. La finamira da la PCD per las elecziuns saja da gudagnar moderadamain sezs e quota d'electurs.

Manchentà schanza istorica

En connex cun la maridaglia betg gartegiada cun la Partida burgaisdemocratica ha Darbellay manegià ch'ins haja manchentà ina schanza istorica. Dentant saja la PCD il center politic.

(RR novitads a las 11:00)