Dapli giuventetgna duai ir a vuschar

En Svizra è la glieud giuvna savens surdumandada tar las votaziuns.

Ina mattetta metta en l'urna il cedel da vuschar da sia mamma.

Legenda da maletgs: Ina mattetta gida sia mamma da vuschar en il chantun da Genevra. Keystone

Quai mussa in studi che l'institut gfs.berna a fatg per l’Uniun tetgala dals parlaments da giuventetgna svizzers.

Ina maioritad dals giuvens e da las giuvnas en la vegliadetgna da 15 enfin 21 onns sa lamentian che la lingua politica saja memia cumplitgada, ils candidats strusch enconuschents, e l'act electoral en general memia grev.

Cun mesiras d'infurmaziuns intenziunadas vulan ils parlaments da giuventetgna augmentar per 10% la bassa participaziun dals giuvenils ch'è previsibla tar las elecziuns federalas il 2015.

(RR novitads a las 08:00)