Bäumle na vul betg exnum reeleger Schneider-Ammann

La Partida verd-liberala smanatscha als Liberaldemocrats da betg confermar en l'uffizi lur cusseglier federal Johann Schneider-Ammann l'onn 2015.

Purtret da Martin Bäumle, president dals Verd-liberals.

Legenda da maletgs: Martin Bäumle, president dals Verd-liberals. Keystone

Sco quai ch'il president dals Verd-liberals, Martin Bäumle ha ditg envers la SonntagsZeitung, veglian ils Verd-liberals puspè turnar a la concordanza. La Partida populara svizra duai survegnir enavos il segund sez en il cussegl federal sin donn e cust da la Partida liberaldemocratica, la partida da Schneider-Ammann.

La raschun per questa midada dal curs è tenor Bäumle la posiziun da la PLD areguard la midada sin il sectur da l'energia, quella na sustegnia la PLD betg avunda.
(RR novitads a las 09:00)