Siglir tar il cuntegn
cuntegn

Cumbat electoral Apero da Bumaun carmala turistichers e politichers

Sut il motto «Grischun - Innovativ dapi 150 onns» èn ils turistichers e politichers Grischuns s'entupads il glindesdi a l'apero da Bumaun da Grischun Vacanzas.

Fulla a l’apero da Bumaun da Grischun Vacanzas a Cuira.
Legenda: La prominenza grischuna è sa radunada tar l’apero da Bumaun da Grischun Vacanzas a Cuira. RTR, F. Belotti

Il nov manader dal Departament d'economia e turissem, Jon Domenic Parolini, ha ditg, ch'el n'haja nagin recept da patent co il turissem possia surmuntar las sfidas. Cler saja dentant ch'ins saja mo ferm ensemen.

Il president da Grischun Vacanzas, Marcel Friberg, ha entant nizzegià la chaschun, dad intimar la politica grischuna d’introducir per tut las classas da scola in'emna da sport d'enviern obligatorica.