Siglir tar il cuntegn

Header

video
Puspè in um – puspè in sez per la PPS?
Or da Telesguard dals 14.10.2021.
laschar ir
cuntegn

Elecziuns regenza 2022 Roman Hug è uffizialmain il candidat da la PPS

Gia avant in mais aveva la suprastanza da la Partida populara grischuna communitgà che l'um da 40 onns saja il candidat da la PPS per las elecziuns da la regenza 2022. Las delegadas ed ils delegads han uss dà il consentiment a la radunanza da nominaziun a Vaz Sut. Quai cun applaus ed ina standing ovation da las bun 100 persunas ch'eran preschentas. Il tenor è stà cler tar las commembras ed ils commembers da la PPS: Il president communal da Trimmis è il dretg candidat per recaltgar in sez en la regenza grischuna. El saja la persuna la pli qualifitgada per ir en il cumbat per la partida. Per Roman Hug èsi cler:

Tar las elecziuns proxim onn quinta mo la victoria.
Autur: Roman Hug candidat da la PPS

El haja grond plaschair che la basa sustegnia el cumplainamain, uschia Roman Hug. I saja però er ina gronda responsabladad perquai ch'el sappia tge che la glieud spetgia dad el. Uschia saja er il squitsch grond.

audio
Elecziuns GR 2022 PPS: La dretga strategia cun Roman Hug?
04:30 min, Actualitad dals 14.10.2021.
laschar ir. Durada: 04:30 minutas.

Las delegadas ed ils delegads èn dentant persvas dal politicher da Trimmis. El saja ina persuna giuvna dinamica che vegnia da mobilisar glieud en regiuns champestras sco er la glieud urbana, ha il vice-president da la PPS grischuna, Jan Koch ditg.

Sche Roman Hug vegniss da recaltgar in sez en la regenza, fiss la PPS l'emprima giada puspè represchentada en la regenza dapi la separaziun da la PBD l'onn 2008.  Als dus ultims candidats da la PPS, Walter Schlegel e Heinz Brand, n'eri betg gartegià da far il pass en la regenza grischuna.

RTR novitads 21:00

Artitgels legids il pli savens

Scrollar a sanestra Scrollar a dretga