Siglir tar il cuntegn
cuntegn

Elecziuns Frantscha 2017 «Jau elegel naturalmain Macron»

Clara Vallois abitescha a Paris e per ella èsi uss en il segund scrutini cler, ch'ella vegn a dar la vusch a Emmanuel Macron. Dentant betg per tuts è la decisiun uschè clera sco per ella.

Emmanuel Macron va en la cursa sco favorit.
Legenda: Emmanuel Macron va en la cursa sco favorit. Keystone

Per Clara Vallois èsi cler: ella elegia dumengia Emmanuel Macron e betg Marine Le Pen. Per blers da ses amis n'è la decisiun dentant betg uschè clera. Blers na sappian anc betg sch'els van insumma ed eleger ed insaquants pondereschian schizunt dad eleger Marine Le Pen.

Betg per Macron ma cunter Le Pen

Per blers èsi tenor Clara Vallois dentant cler ch'els na vuschan betg «PER» Macron mabain «CUNTER» Le Pen. Sche Macron fetschia 60% da las vuschs, sco las retschertgas mussan, na saja quai anc betg il cas ch’ils 60% levan er propi vuschar per Macron. I saja propi la decisiun per il pli pitschen mal per la Frantscha, uschia Clara Vallois.

RR actualitad 11:00