Siglir tar il cuntegn

Elecziuns Frantscha 2017 Front National vul midar num

Suenter la terrada da Marine Le Pen vul sia partida cuntinuar sut auter num. La finamira saja da cuntinuar cun l'allianza patriotica e republicana per cuntanscher anc dapli persunas.

logo dal Front National
Legenda: La partida vul midar num. MAD

Il mument na numna la partida anc nagin num. Il vicepresident Florian Philippot ha sulettamain annunzià la notg passada che la partida veglia sa restructurar e metter giu il num «Front National».

Marine Le Pen ha gratulà a ses contrahent Emmanuel Macron e smanatschà ch'ella vegnia a manar ina dira opposiziun. Il resultat dal Front National saja in resultat istoric. Malgrà quai stoppia la partida ir sur ils cudeschs. I duai dar ina discussiun en Frantscha che s'orientescha al cumbat tranter «patriots» e «globalists».

RR novitads 9:00