Siglir tar il cuntegn

Elecziuns Frantscha 2017 Frantscha: Le Pen dat giu il presidi da la partida

En Frantscha ha Marine Le Pen per il mument dà giu il presidi da la partida Front National. Ella veglia sa concentrar sin sia candidatura per il presidi franzos. Quai ha Le Pen ditg envers l'emettur da televisiun «France 2».

Marine Le Pen.
Legenda: Marine Le Pen dat per il mument giu il presidi da la partida Front National. Keystone

Sco Marine Le Pen ha ditg envers l'emettur da televisiun France 2, veglia ella reunir tut ils Franzos e star sur ils interess da la partida. Latiers patratga ella en emprima lingia vid ils electurs dal candidat naziunal-conservativ Nicolas Dupont-Aignan ch'aveva survegnì prest 5% da las vuschs.

Sia plattafurma sumeglia a la nostra. Patriots duessen sa reunir per cumbatter quels ch'èn per ina globalisaziun sfranada.
Autur: Marine Le Pen

Tar l'elecziun decisiva ils 7 da matg frunta la populista da la dretga sin il social-liberal Emmanuel Macron ch'ha fatg las bleras vuschs en l'emprim scrutini.

RR novitads 06:00