Siglir tar il cuntegn
cuntegn

Elecziuns Frantscha 2017 Dretg e sanester han regì la Frantscha – fin uss?

Ils davos decennis han adina u il Parti socialiste ni Les Républicains manà la Frantscha. Las duas partidas fermas. Quai pudess dentant sa midar cun las elecziuns da quai onn perquai ch'ils dus candidats da quellas partidas na mainan betg tar las retschertgas.

Tour d'Eiffel en in paltaun.
Legenda: La tur d'Eiffel sin il chau e forsa er la politica franzosa? Keystone

En Frantscha hai durant ils davos decennis en sasez adina be dà ils dretgs u ils sanesters. Il Parti socialiste e Les Républicains han adina gì la pussanza cun midar giu il president. Er questa giada han els nominà lur candidats.

Dentant a la testa da las retschertgas èn quels ch’empermettan ina midada sco Emmanuel Macron e Marine Le Pen. L’um senza partida e la dunna da la dretga, dal Front National.

Tuttina dat quai en Frantscha er differentas autras partidas, dentant er qua sentan ins, che la Frantscha è in pajais centralistic e betg federalistic. Bler vegn decis da las centralas en la chapitala Paris.

RR actualitad 07:05