Siglir tar il cuntegn
Inhalt

Elecziuns Frantscha 2017 Co funcziuna la politica franzosa?

La Frantscha, noss pajais vischin, da princip er ina democratia e tuttina tut autra che la Svizra. In pajais central nua che bler vegn decis da la centrala, da Paris.

Champs de Mars Parc sut la tur d'Eiffel a Paris.
Legenda: Champs de Mars Parc sut la tur d'Eiffel a Paris. Keystone

La pli gronda differenza tranter ils sistems politics da la Frantscha e la Svizra è che la Frantscha è in pajais centralistic e la Svizra in pajais federalistic, uschia Charles Liebherr il correspundent da Radio SRF en Frantscha. Quai munta da princip er ch’i vegn pli u main decis tut a Paris. Vischnancas e «departéments» n’han betg da dir uschè bler sco tar nus las vischnancas ed ils chantuns.

President decida

In’ulteriura gronda differenza è che la Frantscha ha in president, quel vegn elegì per tschintg onns e po durant quel temp decider il curs da sia regenza. Tut auter che tar nus cun il president u la presidenta da la Confederaziun, ha il president en Frantscha da princip tut la pussanza. El decida davart la direcziun ed il primminister cun sia regenza ed er il parlament suondan a quellas directivas.

RR actualitad 08:00