Siglir tar il cuntegn

Header

cuntegn

Elecziuns da regenza PLD vul da principi nominar ina persuna – duas restan in'opziun

Sco emprima partida grischuna ha la PLD mess quatter nums sin maisa – quatter persunas che stattan a disposiziun per vegnir nominadas per las elecziuns da la regenza. RTR ha vulì savair dapli da la strategia davostiers.

La finamira da la Partida liberaldemocratica è clera: Defender il sez da cusseglier guvernativ Christian Rathgeb che sto chalar pervia da la limitaziun dal temp d'uffizi. Perquai haja la partida era vulì lantschar la discussiun ad uras, ha argumentà il president Bruno Claus a la radunanza da delegads ier saira a Cuira. La PLD ha gia fatg ina preselecziun da quatter persunas che stattan a disposiziun:

La deputada Vera Stiffler da Cuira, il president da Cuira Urs Marti, il deputà da Castasegna Maurizio Michael ed il schef dal stab da crisa Martin Bühler.

Ina ni duas candidaturas?

L'entschatta october decidan delegadas e delegads definitivamain tgi trametter en il cumbat electoral per las elecziuns dal matg 2022.

audio
Tge strategia ha la PLD per las elecziuns 2022?
ord Actualitad dals 26.08.2021.
laschar ir. Durada: 2 minutas 38 Secundas.

Da principi veglia la PLD nominar ina persuna, uschia Bruno Claus envers RTR. Tuttina vul el restar flexibel e persequitar tge che las autras partidas grischunas decidan – lezzas n'han anc betg preschentà nums ubain strategias. Tut tenor èsi pia pussaivel che duas persunas liberalas cumbattan per in sez en la regenza grischuna, quai sche la PLD vesa ina schanza da recaltgar in ulteriur sez.

RTR actualitad 12:00

Artitgels legids il pli savens