Siglir tar il cuntegn

Header

cuntegn

Elecziuns da regenza I resta tar 6 candidaturas per 5 posts

Carmelia Maissen, Marcus Caduff e Jon Domenic Parolini (AdC), Martin Bühler (PLD), Roman Hug (PPS) e Peter Peyer (PS) van en il cumbat per la regenza grischuna. Ulteriuras candidaturas èn pauc probablas, sco la retschertga dad RTR mussa.

Sche nagina dunna va en la cursa, aveva la Partida socialdemocratica tegnì avert l'opziun da preschentar ina candidata. Uss, cura che la candidatura da Carmelia Maissen è enconuschenta, hai num: Nus mettain en emprima lingia il focus sin la reelecziun dal cusseglier guvernativ en uffizi, Peter Peyer. En segunda lingia vai per gudagnar sezs en il Cussegl grond. Quai ha ditg il president, Andri Perl, sin dumonda da RTR. Ina pitschna fanestra da forsa tuttina anc trametter en la cursa ina dunna, lascha el dentant avert, tut tenor tge che capita anc. Cun ina decisiun èsi da quintar la fin da november.

La medema pussaivladad dad anc trametter insatgi en la cursa mantegnan era ils verdliberals. Tenor la presidenta Géraldine Danuser saja ina suletta dunna simplamein memia pauc. Decider vul la Partida verdliberala mez december.

Regenza 2022: 6 candidaturas per 5 posts

Avrir la box Serrar la box

1 dunna e 5 umens sa mettan en il cumbat per l'elecziun dals 15 da matg 2022:

audio
Per tadlar curt e cumpact
ord RTR Audio dals 27.10.2021.
laschar ir. Durada: 1 minuta 5 Secundas.

RTR novitads 06:00

Artitgels legids il pli savens