Siglir tar il cuntegn

Header

video
Ils candidats e la candidata da l'Allianza dal Center èn nominads
Or da Telesguard dals 09.12.2021.
laschar ir. Durada: 3 minutas 9 Secundas.
cuntegn

Elecziuns 2022 Ticket da trais persvada delegads da l'Allianza dal Center

A chaschun da la radunanza da delegads a Valbella han las delegadas ed ils delegads da l'Allianza dal Center nominà unanimamain lur candidats per las elecziuns da regenza da l'auter onn. Sper ils dus cussegliers guvernativs en uffizi Marcus Caduff e Jon Domenic Parolini, va en la cursa Carmelia Maissen. Enfin uss è la presidenta communala da Glion e deputada dal Cussegl grond la suletta dunna che cumbatta per in post en la regenza. Sia finamira è da defender il sez da Mario Cavigelli che sto chalar sco cusseglier guvernativ pervia da la limita d'uffizi.

audio
Carmelia Maissen va cun schlantsch en il cumbat electoral
ord Actualitad dals 09.12.2021.
laschar ir. Durada: 1 minuta 31 Secundas.

Delegadas e delegads cuntents cun il ticket da trais

Igl è stà nagina discussiun d'ir cun trais candidatas e candidats en la cursa per defender ils trais sezs. Las delegadas ed ils delegads èn suandads la proposta da la direcziun da partida da nominar Caduff, Parolini e Maissen. Ils delegads na teman er betg ch'ils trais candidats pudessan prender naven in a l'auter las vuschs. Ils dus cussegliers guvernativs en uffizi hajan fatg buna lavur ed uschia bunas schanzas da vegnir reelegids. La suletta dunna en la runda Carmelia Maissen haja medemamain in bun satgados, uschia ch'els sa mussan optimistics.

audio
Delegads da l'Allianza dal Center èn cuntents cun ticket da trais
ord Actualitad dals 09.12.2021.
laschar ir. Durada: 2 minutas 44 Secundas.

Ina dunna ch'enconuscha la lavur en l'executiva è Eveline Widmer-Schlumpf. Ella è persvadida che Carmelia Maissen è ina buna schelta. Ella saja betg semplamain la dunna, mabain ina buna dunna, quai saja decisiv. Sper quai di Widmer-Schlumpf ch'è stada en la regenza grischuna e cussegliera federala che teams maschadads sajan fritgaivels per bunas discussiuns e decisiuns.

audio
Eveline Widmer-Schlumpf: «I dovra dunnas en l'executiva»
ord RTR Audio dals 09.12.2021.
laschar ir. Durada: 57 Secundas.

Il Grischun elegia ils 15 da matg 2022 ina nova regenza ed in nov parlament.

Regenza 2022: 6 candidaturas per 5 posts

Avrir la box Serrar la box

1 dunna e 5 umens sa mettan en il cumbat per l'elecziun dals 15 da matg 2022:

RTR novitads 21:00

Artitgels legids il pli savens